يوميات توجيهي............

من طرف **عاشق الحب** الأحد مارس 06, 2011 2:41 pm

انا مش بس طالب توجيهي ... انا التوجيهي طالبني كمان
الكل بيقولي خليك بدراستك ... فيش زي الشهادة بها الزمان
انسى الطشات والسهرات ... كإنك سجين والكتاب سجان
لا تشوف قرايب ولا أصحاب ... لا تروح على المطلعم ولا على الدكان
اتغدى قوانين واتعشى معادلات ... واشرب كأس من مرارة الامتحان
لا تلفزيون ولا كمبيوتر ... ولا تلعب حتى مع حيوان
حتى الروحة على الحمام ... قبليها استدعي وبعدها اصدار بيان
نام متأخر واصحى مبكر ... وجهك غسل واحلق بمعجون اسنان
كامل فاضل ادرس ناضل ... قلمك حامل في وجه العدوان
ثابر تابع درسك راجع ... لربك راكع انت وحدك الي كسبان
واجه داوم المشاكل قاوم ... كون عالم بعمرك ما بتنهان
اذا نجحت بتنفع حالك ... واذا بترسب بنفعكاش انسان
وقت الجد جد وما في مزح ... انت مش عايش بعصر الرومان
امشي مع شباب دريّسة ... وسيبك من شلة الزعران
روّح على الدار طوّالي ... وفكك من معاكسة النسوان
هـو صحيح الشغلة بتسلي ... بتشفي العليل وبتفرح الزعلان
بس التوجيهي تحدي ... وما بفوز فيه الا الذكي الفهمان
بكره بتقول يا ريتني درست ... يا ريتني سمعتك وما كان الي كان
بقولك أبوك : يابا يا حبيبي ... اذا بتنجح بسفرك على الصين او على اليابان
وبجيبلك سيارة اخر موديل Bmw... أو فيراري او حتى نيسان
واذا بتحب بجوزك احلى بنت ... حتى لو كانت بنت " كوفي عنان "
انت بس انجح وارفع راسي ... وما تفضحني بين الاهل والاخوان
ركّز بالحصة مع استاذك ... تقضيهاش تلعب وسرحان
يا طلاب التوجيهي الاعزاء ... احلفكم بالله
فيش احلى من النجاح ... حتى لو بتقلع عينك او بطيرلك ذان
لا ترسب ولا تعيد السنة ... تخليش واحد يكون فيك شمتان
بلاش تكون آخرتك بويجي ... او صاحب بسطة او بياع دخان

من طرف جاري البحث الإثنين مارس 07, 2011 4:14 am

والله العظيم ما في بعد هالكلام
ياريت الكل يفهمه لو الكل فهمه وعمل بيه وربك ما حدا هيعيد السنة
بتمنى للكل التوفيق والنجاح
بارك الله فيك عاشق الحب
يسلمووووووو دياتك عالجديد المميز